"Spring Cleaning"

Don't let anyone rent space in your head unless they are a good tenant.

---

Не дозволувајте никому да изнајми простор во вашата глава, доколку не е добар потстанар.

Пролетно чистење

Како си течат годините, наидувам на настани и ситуации со по некој несакан „гостин/ка“. Се појавуваат луѓе во мојот живот со коишто за жал, или не, не можам да пронајдам заеднички јазик, и тоа за банални теми, а од петни жили се обидувам. Има и такви за коишто сум била убедена дека имаат барем малку интегритет, во секоја смисла на зборот, особено професионална. Секако, тука се и оние коишто во услови на криза, ги нема, исчезнуваат, за потоа, онака лежерно однекаде да изникнат. Сите сме имале по некој од овие ликови и несомнено дека ќе ги имаме и во иднина.

Таканаречената „чистка“ ми се вртеше во глава веќе подолго време и секако дека е без никаква умисла или зла намера. Ја гледам како едноставна потреба од самозаштита конкретно од ставови и дела коишто за мене се небулозни и непоимливи. Неприкосновено е правото секој да си има свое мислење, меѓусебната учтивост е секогаш добредојдена, но притоа, сечиј праг на толеранција е вреден за почит. Во случајов, секое пречекорување на тој праг само значи отстапување простор за „потстанари“ во умот коишто се вредни за нечие време и енергија.

Краток е животот за глупости.